Naa na tay Misting Machine nga magamit aron makatabang sa pagpaaso sa mga lugar nga posibleng mahimong pamuy-anan ug pamugaran sa mga lamok nga nagdala sa dengue. 🦟
Aduna na usab tay gitudlo nga personnel gikan sa Barangay nga i-train sa City Health Office aron kita mismo makatabang sa pagpaaso sa nagkadaiyang lugar sa Mambaling, ilabina sa mga lugar nga adunay positive nga kaso sa dengue.
🌧️ Importante kaayo ang atong paningkamot karon, ilabina nga sige-sige ang pag-uwan. Mao nga kinahanglan nga magtinabangay kita aron malikayan ang pagdaghan sa mga lamok.
📌 MGA MAMBALINGANON, ATONG HINUMDOMAN:
- Likayi ang pagtipig ug tubig nga dili kinahanglan.
- Siguruha nga ang mga sudlanan sa tubig adunay husto nga taklob.
- Ayaw tugoti nga magpundo ang tubig sa mga lata, botelya, ligid, ug uban pang sudlanan.
- Kanunay nga maglimpyo sa palibot aron malikayan ang pamugaran sa lamok.
💡 “Prevention is better than cure.”
Atong panalipdan ang atong mga pamilya ug ang tibuok komunidad batok sa dengue. Mag-amping, maglimpyo, ug magtinabangay ta, Mambalinganon! 💪💙
Daghang salamat sa inyong kooperasyon ug suporta! 🙏
🦟 LIKAY DENGUE. LIMPYONG PALIBOT, HIMSOG NGA KOMUNIDAD!
Amping kanunay, Mambalinganon! 💙
#Mambalinganon #DenguePrevention #DengueAwareness #CleanAndSafeMambaling #TatakSalvador
